Lokmat story


कोविड19 कालावधीत नाविन्यपूर्ण काम करणाऱ्या 10 ग्रामीण भागातील शिक्षकांच्या कामावर लोकमत ने एक स्टोरी बनवली आहे ,वा ! क्या बात है गुरुजी!! माझ्याही उपक्रमाचा यात समावेश आहे खालील लिंकवर क्लिक करून जरूर पहा
https://youtu.be/ZiGGP_01jKc
बालाजी जाधव सातारा



Mumbai all principals webinar video



Navneet Foundation webinar



Umang The Youth Social Foundation Webinar


Poona college pune webinar



Synergy Group Pune webinar






आज गुरुपौर्णिमा निमित्त प्रवीण मसाले यांचे मार्फत आदर्श शिक्षक पुरस्कार मिळाला







Home Schooling




होम स्कुलिंग

                        इयत्ता ५ वीत शिकणारी माझी मुलगी भक्ती हिने करोना च्या काळातील 80 दिवसात आपल्या पालकांच्या मदतीने कोणत्याही बंधना शिवाय  स्वत: ला आनंद मिळावा म्हणून काही गोष्टी केल्या आणि आज त्याचा सहजच आढावा घेतला तर चक्क नवल वाटावे इतके काही तिने या सुट्टीच्या काळातही केले हे पाहून मुले घरी जरी असले म्हणजेच शाळेत न जाता सुद्धा  शिक्षण बंद नसते कारण फक्त पुस्तक शिकणे म्हणजेच शिक्षण नसून खूप सारं अनुभवातून,प्रात्यक्षिकातून सक्ती शिवाय ,मुलांच्या कलानुसार शिकता येते हे मला प्रत्यक्ष पालक म्हणून माझ्या घरातील अनुभवा तून दिसून येत आहे  याचं हे उत्तम उदाहरण आहे.

 १) वाचन, लेखन व रेकॉर्डिंग -   भक्तीला तिला स्वत:साठी एक tab आहे त्यामध्ये ‘मराठी गोष्टी’  नावाचे एक app आहे त्यात खूप सा -या गोष्टी आहेत त्या तिला वाटेल तेंव्हा ती वाचायची आणि दररोज संध्याकाळी तिची आई झोपताना एक गोष्ट सांगते ती गोष्ट भक्ती सकळी उठून तिच्या वहीत लिहते व आम्हाला दाखवून नंतर तिने त्यासाठी एक फाईल केली आहे त्यामध्ये ती एका पेपर वर लिहून जोडून ठेवेते.पुन्हा संध्याकाळी लहान भाऊ विघ्नेशला ती छानपणे सांगते,मी तिला रेकॉर्ड करण्याचा डेमो दिला आणि जवळपास ३० गोष्टी भक्तीने या सुट्टीत वाचून ऐकूण लिहल्या व रेकॉर्ड केल्या आहेत. घरी बसून तिला हे आवडीने करावेसे वाटले,आम्ही उभयतांनी यासाठी कोणतीही सक्ती केली नाही.

  
२) चित्रकला – तशी चित्रकला हि भक्तीच्या लहानपणापासून च आवडीचा विषय त्यात सुट्या म्हणटल्यास अधिक उत्तम संधी आणि त्या संधीचे सोने केले भक्तीने, युट्युब वर पाहून आणि घरात उपलब्ध असण-या विविध वर्तमानपत्रात पाहून, मासिके व इतर जे सापडेल त्यातून तिने ४०-५० सुंदर अशी चित्रे काढून रंग दिले आहेत हे काम ती विशेषतः दुपारी आमच्या झोपेच्या वेळेत करते.चित्र पूर्ण झाल्यावर अगदी प्रसन्न चेह-याने ती आम्हाला दाखवते व तिची आई तिला काही बदल सुचवते मी मात्र अगदी छान एवढच बोलतो,कारण ती आणखी पुढे उत्तम काढणार हा पालक म्हणून मला विश्वास आहे.
   
       
३) कागद्काम,पुठ्ठाकाम – यामध्ये राणीला म्हणजे माझी पत्नी हिला विशेष रस असल्याने त्या दोघी मिळून हे काम आवडीने करतात यामध्ये त्यांनी कागदापासून सुंदर अशा फुलदाणी, पेन stand , फुलांचे गुच्छ, फुलांचे हार, फुलपाखरे,पर्स , चहाचे कप,पिशव्या, कापडी मास्क, पुठ्याचे घर,पाण्याच्या बाटली पासून फुलदाणी,झुंबर अशा जवळपास ३० वस्तू बनवून हॉल मध्ये मांडल्या आहेत. यासाठी युट्युब वरील व्हिडिओ ची व भक्तीच्या आईची मदत घेऊन तिने अगदी सहजपणे या बाबी केल्या त्या ही न कंटाळा करता व वाट्टेल त्या वेळी.
    

४) मातीकाम – आजकाल आपण मुलांना मातीपासून दूर करत आहोत मी मात्र गावाच्या बाहेर जाऊन २ पिशव्या काळी माती भक्तीला आणून दिली तिच्या मागणी वरून आणि मग पोर्च मध्ये भक्ती व विघ्नेश यांनी घरातील भांडे, बैल, गाडी, खुर्ची,खाट अशा २० हून अधिक मातीच्या सुंदर वस्तू बनवून आपली मातीशी असणारी नाळ टिकवली आहे त्यामध्ये भओमितिक आकार सुद्धा बनवले आहेत.व काहींना आता ती रंग देत आहे.
    
५) पाककला – सुट्टीत आईच्या मदतीने मी काम शिकणार असे तिने जानेवारी तच ठरवले होते आणि मार्च मध्ये करोना मुळे तिला संधी भेटली व तिने आईसोबत चहा करणे , भाज्या निवडणे, भात करणे, gas चालू बंद करणे, चपाती साठी पीठ मळणे ,पोळ्या लाटणे इतपर्यत शिकून घराची स्वच्छता करणे, छोटी छोटी कपडे धुणे या सर्व बाबी ती आवडीने करत आहे हे महत्त्वाचे आहे.स्वंयापक घरात स्वच्छता, भांडे धुणे इत्यादी बाबी आवडीने करते.

                     
६) बागकाम – आमच्या  घरासमोर मोठा मोकळा भाग आहे तिथे खूप सारी झाडे आहेत फुलांची, फळांची, औषधी वनस्पती इत्यादी त्यांना पाणी देणे,माझ्यासोबत झाडांना माती लावणे अशा कामात  सुध्दा ती खाली खेळायला आल्यावर भाग घेते.झाडावर चढून आंबे काढणे,चिक्कू काढणे, जांभळे काढणे सुद्धा भक्तीने शिकले ,सुरुवातीला शिडीवरून मग सरावाने स्वत: शिकली.
 
७) खेळ- तिने या सुट्टीत मनसोक्त खेळांचा आनंद घेतल्याचे मी स्वत: पहिले कारण सकाळी माझ्या सोबत योगा करण्यापासून ते सायंकाळी छतावरील जॉगीग पर्यंत ती माझ्या सोबत असायची. तिने झिबल्या मनसोक्त खेळल्या, दोरी उड्या खेळल्या,आम्ही कधी कधी BADMINTAN खेळायचो त्यातही ती सहभागी व्हायची,सायकल तर तिने इतकी खेळली कारण जवळपास १५० फुट रिकामी जागा आमच्या घरासमोर मोकळी आहे त्यात तिला डबडबून घाम येईपर्यंत ती खेळायची हे मी स्वत: पहिले आहे व त्यातून तिला खूप खूप आनंद मिळतोय हे दिसायचे कारण दैनंदिन शाळा सुरु असतना असा वेळ मिळताच नाही.दुपारी कधी कधी साप शिडी , बुद्धिबळ यावर सुद्धा ती बसायची .


  
                या वरील सर्व बाबी तिला आम्ही करण्याची सक्ती केली नाही, कोणतेही वेळापत्रक दिले नाही लादले नाही फक्त घरी आपण नवनवीन शिकू शकतो करू शकतो हे सांगायचो व तिला ते आवडून ती हे सर्व करत आहे कारण यातील खूप कमी गोष्टी आपल्या दैनंदिन शाळेत शिकायला ,करायला मिळतात हे एक कारण असण्याची शक्यता आहे सोबतच इयत्ता ६ वीच्या गणित या पुस्तकातील काही भाग तिने सोडवला आहे.कधीही  कंटाळा जाणवला नाही, ती नाराज दिसत नव्हती सर्व काही आनंदाने करत आहे अजूनही खरोखर इच्छा तिथे मार्ग असतात हे जाणवायला लागले पालक म्हणून आवश्यक साहित्य मी माझ्या मुलीला देत गेलो आणि पाहता पाहता तिने वाचनाचा , लेखनाचा, चित्रकलेचा, कलेचा इत्यादी छंद अगदी सहजपणे ती शिकत गेली ,वाढवत गेली होम स्कुलीग घरी बसून सुद्धा याप्रमाणे व्हायला लागल्यास मुले स्वावलंबी होण्याकडे जाताना दिसत आहेत, स्वत:चा निर्णय क्षमता वृद्धिंगत होताना दिसून आली आणि कोणत्याही सक्ती व वेळापत्रकात न अडकता त्यांच्या मनाच्या कलानुसार केल्यास सुद्धा मुलाचे शिक्षण सातत्याने सुरु राहू शकते हे एक पालक म्हणून मला जाणवू लागले आहे ....
 








बालाजी जाधव प्राथमिक शिक्षक
 जि.प शाळा विजयनगर ता .माण जि सातारा.
मोबाईल नं -  ७५८८६११०१५  इमेल- crcmhaswadno3@gmail.com

Result 2020

जिल्हा परिषद प्राथमिक शाळा विजयनगर ता. माण जि सातारा सन 2019-20 चा ऑनलाईन वार्षिक निकाल
विद्यार्थ्याचे नाव टाईप करा व निकाल शोधा डेमो साठी Bhakti Jadhav

Author of the week

आणि हो मी  "Author Of The Week"  चा  विजेता ठरलो. लेखनासाठीचा पहिलाच सन्मान ,आपल्यास सर्वांच्या अनमोल मताच्या पाठिंब्याने हे शक्य झालय. स्टोरी मिरर कडून मराठी भाषेतील लेखनासाठीचा हा सन्मान मला प्राप्त झाल्याचा मनस्वी आनंद  आपल्या सर्वांमुळे होतोय.पुनश्च आपल्या सर्वांचे मनापासून आभार .....


राज्य आदर्श शिक्षक पुरस्कार


२०१८-१९ वर्षीच्या राज्य आदर्श शिक्षक पुरस्कार साठी निवड




व्हर्च्युल फिल्ड ट्रीप

व्हर्च्युल फिल्ड ट्रीप  : शिकण्यातला जिवंतपणा

लहानपणी माझी आई मला रामायण, महाभारतातील कथा सांगायची आणि म्हणायची की, राम अचानक आवतरले आणि भक्ताची मदत केली.मला ऐकून भारी वाटायचे,मात्र उच्च प्राथमिक आणि माध्यमिक शिक्षण घेताना मी शंका उपस्थित करायचो तर आई म्हणायची ते देव होते त्यांच्या कडे दैवी शक्ती होत्या त्यामुळे ते काहीही करू शकत आसत.मी म्हणायचो काहीही म्हणजे काय? त्यावर माझी आई उत्तर द्यायची की एखादा भक्त श्रीलंकेत अडचणीत आहे तर देव ताबडतोब तिथे जावून त्याला मदत करत,लगेच नेपाळ  मध्ये दुस-या भक्ताला. विज्ञान शिकताना मला माझी आई खोटी वाटायची......पण पुढे शिक्षकी पेशात आल्यावर शिक्षणात तंत्रज्ञान वापर सुरु केल्यावर समजू लागले की ते खरे की खोटे माहिती नाही मात्र तंत्रज्ञाना मुळे सध्या ते शक्य होतेय.आणि अगदी सहज शक्य.
                                              तसे पाहता शिकण्याचे विविध मार्ग,पद्धती आहेत त्यामध्ये तंत्रज्ञान वापरून कमी वेळेत,सहज ,मनोरंजक पद्धतीने काही गोष्टी शिकता येतात त्यापैकीच एक पध्दत म्हणजे व्हर्च्युल ट्रीप ज्याला आपण व्हिडीओ कॉन्फरन्स या नावाने आपण सहज परिचित होतो.काय असते हे,यातून कसे होते शिक्षण,याची गरज काय आणि प्रत्येकजण हे कसे करू शकतो  याबद्दल जाणून घेणे कोणालाही आवडेल.या पध्दतीत संगणक आणि इंटरनेट यांच्या मदतीने जगभरातील कुठल्याही व्यक्तीशी आपण समोरा समोर बोलतो याप्रमाणे सहज संवाद साधू शकतो.सर्व प्रथम मी २०१० साली आमच्या म्हसवड केंद्राच्या केंद्र संमेलनात यशदाचे संचालक निनीत खाडे (भा.प्र. से.)यांच्याशी आम्ही संवाद साधला होता तेंव्हा खूप नवल आणि अजब वाटले सर्वांना, मग पुढील काळात प्रत्यक्ष विद्यार्थ्यांना शिकण्यात याचा वापर करून विविध राज्यातील, विविध देशातील लोकांशी आमचे विद्यार्थी आज सहज संवाद साधतात.
गरज :
) पुस्तका सोबत जगभरातील ब-याच गोष्टी प्रात्यक्षिक पाहता याव्यात.
) त्या त्या भागातील सामाजिक,आर्थिक,शैक्षणिक परिस्थिती माहित व्हावी.
) सहज व मनोरंजक  शिकण्याच्या विविध पध्दती समजण्यासाठी.
) देश विदेशातील मुलांच्या आवडी निवडी समजाव्या.
) त्या त्या देशातील,राज्यातील शिक्षण व्यवस्था प्रगल्भीकरण होण्यासाठीचे प्रयत्न माहित व्हावेत.
व्हर्च्युल ट्रीप कशी करावी ?
) विविध software वापरून आपण ही प्रक्रिया करू शकतो त्यातीलच एक म्हणजे स्काईप (Skype) नावाचे software किंवा अप्लिकेशन घ्यावे लागते.
) त्यावर आपले स्वता:चे खाते (Account) इमेल च्या साह्याने तयार करावे लागते.
) आपले स्वत:चे एक स्काईप नेम तयार होते फेसबुक प्रमाणे उदा.Balaji.jadhav83 हे माझे स्काईप नेम आहे.
) फेसबुक प्रमाणे आपण एकमेकांना रिक्वेस्ट पाठवावी लागते व ती स्वीकारावी लागते,त्यानंतर आपण एकमेकांचे स्काईप मित्र होतो.
) आपल्या संपर्क क्रमांकाहून ही आपण एकमेकांशी जोडले जावू शकतो.
) स्काईप हे इंटरनेट सुरु असल्यावरच काम करू शकते त्यामुळे स्काईप आणि इंटरनेट या दोन्ही बाबी सुरु कराव्यात.
) स्काईप सुरु केल्यावर आपल्याला आपले नाव दिसते त्याच्या खाली contact नावाचा पर्याय दिसतो आपण जेवढ्या मित्रांशी जोडलो गेलोत ते तेथे दिसतात.
) त्यांच्या नावावर क्लिक केले कि आपणास व्हिडीओ कॉल,व्हाईस कॉल,एस एम एस असे पर्याय दिसतात.त्यापैकी व्हिडीओ या पर्यायावर क्लिक केल्यास समोरच्या व्यक्तीला कॉल आलेला दिसतो त्याने कॉल घेतल्यास आपण एकमेकांना दिसू लागतो.
) ज्यांना आपल्या बोलायचे आहे त्यांच्याशी  प्रथम फोनवर चर्चा करून वेळ, विषय हे ठरवून घ्यावे लागतात.
१०) साधने म्हणाल तर laptop असल्यास हेडफोन शिवाय आवाज येवू शकतो मात्र संगणक असल्यास त्याला वेब कॅमेरा आणि हेडफोन असावे लागतात.
११) समोरचे व्यक्ती दिसल्यास आपण त्यांच्याशी  चर्चा करू शकतो जसे, भागाकार शिकवण्याची तुमची पध्दती कोणती? मग ते प्रत्यक्ष ती क्रिया तेथे करून  दाखवू शकतात म्हणजे हजारो किलोमीटर जावून शिकण्या ऐवजी प्रत्यक्ष तेथेच शिकायला मिळते.
१२)वरच्या बाजूला स्काईप ,contact ,conversation,call ,view,tools,help असे पर्याय दिसतात त्या सर्व पर्यायाचा वापर वेगवेगळ्या गोष्टी साठी आपण करू शकतो.
१३) सोबतच एका पेक्षा जास्त म्हणजे दोन,तीन ,चार व्यक्ती आपण एकत्रित प्रत्यक्ष संवाद साधू शकतो त्यासाठी एकाला बोलणे सुरु असताना आपल्या स्क्रीनवर एक बेरेजेचे चिन्ह दिसते त्यावर क्लिक करून दुस-या व्यक्तिंना जोडू शकतो.
१४) वरील पर्यायामध्ये खूप चांगले पर्याय आहेत जसे की call नावाच्या पर्यायात share screen नावाचा एक पर्याय आहे याने आपल्या संगणकाची पूर्ण स्क्रीन समोरील व्यक्तिंना दाखवता येते असे विविध पर्याय यामध्ये आहेत.
१५) प्रश्नोत्तरे, प्रात्याक्षिके, नाट्य,नकला,चित्रकला, पद्धती,सर्व बाबी प्रात्यक्षिक दाखवता व पाहता येतात.
१६) बोलणे संपल्यावर कॉल समाप्त करून संभाषण संपवून आपण लॉग आउट होवू शकतो.
फायदे/ परिणाम
) स्क्रीनवर प्रात्यक्षिक पहिल्याने शिकण्यात जिवंतपणा येतो.
) मुलांचा आत्मविश्वास खूप मोठ्या प्रमाणावर वाढतो.
) विविध भाषा,कला,वेशभूषा,सर्व बाबी सहज आणि अगदी कमी वेळेत समजायला मदत होते.
) जगभरात शिक्षणासाठी काय सुरु आहे,आपण कोठे आहोत याचीही माहिती होते.सोबत आपल्याला काय सुधारणा करायला हव्यात हे समजायला लागते.
) नियमित पद्धतीने शिकण्यापेक्षा या पद्धतीने कधीतरी शिकायला मिळते त्यामुळे स्मरणात राहण्यास मदत होते.
                                                शिकण्यात विविधता आल्याने चिरकाल स्मरणात राहते हे सत्य आहे आणि आवश्यक तेथे गरजेनुरूप या पद्धतीने शिकण्याचा प्रयत्न केल्यास त्यात जिवंतपणा आल्याशिवाय राहत नाही.शिवाय खूप खर्चिक आहे असेही नाही.ग्रामीण भागात नेटवर्क सारख्या समस्या आहेत त्यासाठी IMO सारखे 2g नेटवर्क मध्ये काम करणारे काही app आहेत त्याच्या मदती ने सुद्धा असे अनुभव घेता येवू शकतात.
                                                शेवटी काय तर तंत्रज्ञान वापरामुळे आपल्या शिकण्यात  काही भर पडत असेल,तीही इतकी सहज आणि परिणामकारक तर आपण सर्वांनी व्हर्च्युल ट्रीप चा अनुभव घ्यायला काहीच हरकत नाही आणि शिकण्यातला जिवंतपणा वाढवण्यास प्रयत्न करून आपलं प्रत्येक मुल सहज शिकण्यासाठी प्रयत्न करूया.
               जे आवघड असते ते सोपे करूया,
                                    जे सोपे आहे ते सहज करूया,
                                    जे सहज आहे ते सुंदर करूया,
                                    प्रत्येक मुल शिकण्यासाठी प्रयत्न करूया,
                                                            आणि,
                                    विज्ञान-तंत्रज्ञानाच्या माध्यमातून
                                    प्रगत शैक्षणिक महाराष्ट्र घडवूया.
बालाजी बाबुराव जाधव
जि..केंद्रशाळा विजयनगर  ता. माण जि.सातारा.
मोबाईल -७५८८६११०१५
वेबसाईट www.shikshanbhakti.in
Youtube Channel- shikshanbhkati